查看: 631|回复: 0

去尼泊尔寻足球梦嘅非洲外援

[复制链接]

6

主题

6

帖子

28

积分

管理员

Rank: 9Rank: 9Rank: 9

积分
28
发表于 2017-12-4 15:56:22 | 显示全部楼层 |阅读模式
如果讲南亚地区足球风最热嘅地方,应该就系尼泊尔,不过尼泊尔足球并非南亚劲旅,点解呢?我谂,佢地自己先知喇。近年不论睇南亚锦标赛、亚洲挑战杯预赛,尼泊尔国家队都系比到我一种感觉,好热血,全队齐心上下,行军速度快,只可惜,真系得个快字,组织力欠佳,尼泊尔国家队同香港队患上同一种『病』,【射黎射去射唔出输精管闭塞症】。

至于尼泊尔国内联赛,其实有一定历史,顶级联赛叫A-Division League(甲A联赛),1954年成立,2012-13赛季有16支球会参加,比较著名嘅有Three Star Club(三星)、Nepal Police Club(尼泊尔警察)、Nepal Army Club(尼泊尔军人)、Friends Club(老友)及Manang Marshyangdi Club(马南)。

今时今日尼泊尔甲A联赛被外界认为系一个半职业联赛,有球队其实差唔多系全职化,有球队坚持行半职业/业馀路线,因为有些少发展潜力,近年多左赞助商投资,包括可口可乐、红牛,但尼泊尔依然未有真正嘅职业联赛成立,有大赞助商帮手,照计应该有计仔,不过一个职业联赛嘅成立,要处理好多野,首要嘅足球设施系尼泊尔最缺乏,唔少足球设施非常落后,因为地方太穷,根本冇钱整咁多野,要可口可乐、红牛出钱帮手翻新、建立球场?不如养埋你一世?顶级联赛有时已经要喺啲烂地比赛,甲B联赛有时更要喺沙地比赛。其次又系冇钱,地方冇钱,乜都冇。

尼泊尔甲A联赛有一定球迷,但只要收贵少少就会少好多人睇,因为睇得本土联赛,大部分穷人,冇乜消费力。所以尼泊尔联赛想改革,都几难,因为好多自身问题,有球迷更话,尼泊尔有个半职业联赛已经唔错。

不过虽然冇乜钱,但甲A联赛为左增加竞争,一样会请外援,呢班外援大多来自非洲,有尼日利亚人、象牙海岸、喀麦隆人等,而且每年赛季都会有近百位非洲外援黎尼泊尔足球寻梦,呢班非洲外援大部分都系希望利用尼泊尔甲A联赛作跳板,不过事实上,去得尼泊尔嘅外援,大多质素参差,即系大家所说之『重庆托布』,有啲甚至比『重庆托布』更要低一档,呢班外援喺国家分分钟只系踢低组别联赛,为左揾钱,呢班三、四、五线球员会去尼泊尔揾机会,而另外有啲就系比人昆嘅。

「喂,去尼泊尔踢波啦,一个月有成7-8000美金,环境仲好好添,食大麻冇人理自由自在,而且水淮好高,我踢完之后,球技又劲左,钱都多左,下个月又加人工喇,快啲黎啦!」

「我有个FD去完尼泊尔踢波,就比中东佬睇中,未到35岁退休,快啲黎啦!」

「屌正呀鸠冲先!」

最后紧系失望啦,「吓,呢度穷到咁嘅?」「屌你老_,呢度明显养牛架喎,点踢呀?」一名比较待遇好嘅外援,例如效力三星嘅象牙海岸前锋Léonce Zikahi一个月有千几美金,千几咋,已经好过尼泊尔本土最高薪球员Santosh Sahukhala,Santosh Sahukhala一年揾到8,430美元。

有啲千里迢迢黎揾机会嘅外援,好运嘅之后去左印度乙组、孟加拉超联(孟联)、柬埔寨甲组落班,冇咁好运嘅,只可以去斯里兰卡、甚至不丹,完全唔系下一站中东、日韩、东南亚五国......尼泊尔足球盛事Budha Subba Gold Cup(佛金杯),今年由香港尼泊尔联合会夺冠,一支由尼泊尔加喺香港揾食嘅非洲外援组成嘅球队,当中公民外援法图斯之弟亨利、今季效力黄大洲嘅迪达,都喺比赛中获得好高嘅评价,大家应该约莫估到尼泊尔甲A联赛及当地外援水平去到边。

虽然系咁,但有啲外援却乐在其中,因为,终于有人欣赏佢,效力三星嘅象牙海岸前锋Léonce Zikahi话,喺尼泊尔踢波系开心,佢享受过千甚至过万嘅观众向佢欢呼,佢喜欢尼泊尔人,因为佢地大部分好友善,虽然佢冇杜奥巴咁威风,但最少尼泊尔踢足球嘅生捱,令佢留下人生美好嘅回忆。
回复

使用道具 举报

您需要登录后才可以回帖 登录 | 立即注册

本版积分规则

返回顶部 返回列表